Primeiro caso literario de Hércules Poirot

Na mansión dos Styles, a millonaria Emily Inglethorp é atopada morta na súa cama, ao parecer vítima dun ataque cardíaco. As portas da sala estaban pechadas por dentro e todo indica unha morte natural. Pero o médico de familia levanta unha sospeita: asasinato por envelenamento. Todos os hóspedes da antiga mansión tiñan motivos para matar á viúva Inglethorp, e ningún deles ten unha coartada satisfactoria.
Cando o detective Hercule Poirot chega para facerse cargo da investigación, atópase cara a cara coa cobiza, os celos, as tensións e a ambición dunha familia que aspira a herdar unha fortuna en diñeiro e bens.
Un marido infiel, o seu moi novo amante, uns fillastros envexosos, un estraño toxicólogo alemán... Todos eles parecen sospeitosos de ter acabado coa vida de Emily, aínda que só un deles pode ser o asasino. Poirot terá que afondar e utilizar todas as súas armas para chegar ao fondo do seu primeiro caso literario.